Samsung Galaxy S10 , S10+ , S10e Samsung Galaxy S10 , S10+ , S10e
Esam Tech Esam Tech

آخر الأخبار

Samsung Galaxy S10 , S10+ , S10e

اهلا بكم في مدونه Esam Tech نتمني ان تكونوا دائما في افضل حال دائما يارب

Samsung Galaxy S10 , S10+ , S10e




سامسونج خلاص أعلنت عن ال S10 بعد ماسورة التسريبات اللى كان بقالها مده :"D
الأجهزة و المواصفات اللى اتسربت كان اغلبها صح .. ولكن فيه حاجات مختلفه شويه و كمان حاجات مكناش نتوقع وجودها عموما ..

الموضوع دا بقى فيه كل المعلومات اللى عاوز تعرفها عن اجهزة سامسونج S10 الجديده و اللى هما تحديدا ال 3 اجهزة دول
Galaxy S10
Galaxy S10 Plus
Galaxy S10e

عشان متتلخبطش بينهم انا هقولك مواصفات ال Galaxy S10 الأساسى وبعد كدا هقولك ال S10+ هيزيد عنه ايه و ال S10e هيقل عنه فى ايه عشان الفروق تكون واضحه قدامك .. وهقولك كمان على اسعار الأجهزه و الإصدارات المختلفه لكل نسخه منهم ..


خلينا نبدا الاول بالـ Galaxy S10 


التصميم مبدئيا مختلفش عن ال S9 الا فى الشاشه اللى واخده مساحى اكبر من الواجهه و كمان الكاميرا الأماميه اللى موجوده فى الشاشه وخلينى اقولك مواصفات الموبايل ايه

- شاشة  الموبايل 6.1 بوصه AMOLED تقريبا بنفس الدقة بتتاعة الجيل اللى فات و لكن اطول شويه لانها بأبعاد 19:9 مش 18.5:9 زى ال S9 و بالتالى دقتها بقت 3040*1040 بيكسل .. الشاشه محمية بطبقة حمايه جوريلا جلاس 6 و ظهر الموبايل كمان محمى بنفس الطبقه و أخيرا فى الجزء اللى تحت من الشاشه فيه مستشعر البصمه ال Ultrasonic ودى تقنيه مختلفه عن اى موبايل طلع من اى شركه فيه بصمه فى الشاشه نفسها ..

- الكاميرا الأماميه فى الجهاز 10 ميجا بيكسل بفتحة عدسه f1.9 وبتدعم ال DualPixel Autofocus وتقدر تصور فيديو 4K

- الكاميرات الخلفيه ودول 3 كاميرات
1- الكاميرا الأساسية 12 ميجابيكسل وطبعا Dual Aperture وهما F1.5 و F2.4 و بتدعم ال OIS و ال DualPixel
2- الكاميرا التانيه تيليفوتو و بنفس الدقة 12 ميجابيكسل وبفتحة عدسة F2.4 وفيها كمان OIS
3 - الكاميرا التالته بقى هى كاميرا Ultrawide بفتحة عدسة F2.2

- بطارية الجهاز 3400 ميللى أمبير

- المعالج و الرام و الذاكره 
الجهاز بيجى بمعالج سناب دراجون 855 مع 8 جيجا رام
واختيارين من الذاكره الداخليه 128 او 512 جيجا ..



و سعر الجهاز هيبدأ من 900 دولار


------------------------


تعالا بقى على ال Galaxy S10+

زى ال اس 10 فى الامكانيات ماعدا الأتى

- الشاشه بنفس الدقة و لكن اكبر بحجم 6.4 بوصه

- الكاميرا الأماميه بجانب الكاميرا ال 10 ميجابيكسل فيه كاميرا تانى للعمق 8 ميجابيكسل بفتحة عدسة f2.2

- البطاريه 4100 ميللى أمبير

- المعالج و الذاكره و الرام
الجهاز بنفس المعالج سنابدراجون 855
وبيجى ب 8 رام مع اختيارين من الذاكره 128 و 512

ولكن ال S10+ فيه منه نسخه غريبه كدا .. النسخه دى 12 جيجا رام وبذاكره 1 تيرابايت .. اه 1 تيرا :"D انت متخيل .. طبعا الجهاز فيه مكان لكارت ميمورى 512 يعنى ممكن تمشى بتيرا و نص فى جيبك :"D


وسعر الجهاز هيبدأ من 1000 دولار 

وسعر النسخه ال 12 رام مع ال 1 تيرابايت ذاكره 1600 ولار :"D 


-----------------------

تعالا بقى على Galaxy S10e 

و دا مختلف عن ال S10 واقل منه فى التالى
- الشاشه اصغر بحجم 5.8 بوصه و بدقة اقل لانها FullHD+ و كمان الشاشه مفهاش Edge من الجوانب زى ال S10 و ال S10+

- الكاميرات الخلفيه بقت 2 مش 3 لان الجهاز مفهوش الكاميرا التليفوتو .. فيه الكاميرا العاديه و الكاميرا ال Ultrawide بس

- الجهاز مفهوش بصمه فى الشاشه لان البصمه على الجنب اليمين فى زرار الباور

- بطاريه الجهاز 3100 ميللى امبير

- واخيرا الجهاز بيجى ب 6 رام  مع ذاكره 128
او 8 رام مع ذاكره 256 جيجا

وسعره بيبدأ من 750 دولار .. 




-------------------------

كام ملحوظه كدا هلفت انتباهلك ليها

- ال S10e الأرخص جاى بنفس المعالج وفيه اختار منه ب 8 رام ف مفيش اى تضحيه فى الأداء و دا كويس جدا

- التضحيه اللى فى كاميرا ال S10e كانت فى الكاميرا التيليفوتو واحتفظوا بالكاميرا ال Ultrawide و دا كويس و هيوفر ميزة الصور العريضه للمستخدم حتى مع النسخه الأقل من الجهاز

- تسعير الجهاز عموما مقبول و تحديدا ال S10 اللى ب 900 دولار و اللى ممكن نشوفه فى مصر هنا فى حدود ال 16 الف

- مستشعر البصمه اللى فى ال S10 و ال S10plus مختلف عن اى مستشعر بصمه فى الشاشه استخدمته اى شركه قبل كدا لان كلها بتكون Optical fingerprint sensor اما اللى فى اجهزه سامسونج الجديده Ultrasonic  و ممكن نشرح الفرق ما بينهم فى بوست مستقل بس عموما ال Ultrasonic افضل و ادق و صعب خداعه ..

- اخر حاجه الأجهزه التلاته مازال فيها ال 3.5mm audio jack عادى الأجهزه فيها مكان مع الحاجات دى كلها و لا عزاء للتوووفاحه :"D






التعليقات



جميع الحقوق محفوظة

Esam Tech

2016